Тропарь святителю Андрею, архиепископу Критскому, глас 4
Христову Церковь цевницею языка твоего,/ песнословя умильно, возвеселил еси,/ богословием же Препетыя Троицы/ славу всем сказал еси ясно,/ тем тя, яко тайноглагольника, поем,/ Андрее, пастырю Критский,/ и величаем память твою,/ Христа славяще дивнаго во святых Своих.
Преподобному Андрею Рублеву, изографу (XV век)
Нарочитый тропарь преподобному Андрею
Божественнаго света лучами облистаемый, /
преподобне Андрее, /
Христа познал еси Божию премудрость и силу, /
и иконою Святыя Троицы всему миру проповедал еси /
единство во Святей Троице. /
Мы же со удивлением и радостию вопием ти: /
имеяй дерзновение ко Пресвятей Троице /
моли просветити души наша.
Святым славным Царственным страстотерпцем российским: царю Николаю, царице Александре, царевичу Алексию, великим княжнам Ольге, Татиане, Марии и Анастасии (1918)
Тропарь святым славным Царственным мученикам российским, глас 5
Царства земнаго лишение,/ узы и страдания многоразличныя/ кротко претерпел еси,/ свидетельствовав о Христе даже до смерти от богоборцев,/ страстотерпче великий Боговенчанный царю Николае,/ сего ради мученическим венцем на небесех,/ венча тя с царицею и чады и слуги твоими Христос Бог,/ Егоже моли помиловати страну Российскую/ и спасти души наша.
