* * *
Mons ingens divesque comis, magni ultimus orbis
Imminet abruptus lateque per æquora regnat.
Ardua quippe via est, summam quæ ducit ad arcem;
Dulcia sed paucis venientibus otia præstat.
Hic labor omnis abest, hic rerum pondera ponunt;
Hauritur plenis cælum pulmonibus altum.
Hic requies hominum sedesque novissima vati
Quæsita est misero, pauper sacrumque sepulcrum.
Dat lacrimas rupes, saxum nihil atque nocere
Pondere damnoso voluit vatique pepercit.
Oblitus vitæ felix dum dormiat ille,
Non fremit unda cadens strepitu nec litora tundit,
Non fera, non avis ulla sonat: simul omnibus una
Alta quies habitat: noli turbare, viator,
Talia nunc volvens animo, tua vulnera cura!
Deleted comment